ليييييييه احــنا بنخدم

ليه محدش فينا سأل نفسه كده هو ليه بيخدم ؟؟؟ وايه الهدف ؟؟ ما الكنيسه بيه او من غيره ماشيه يعنى ومش فارق وجوده من عدمه ...
للاسف ناس كتير بتخدم ومش عارفه دولوقتى ترد على السؤال ده مع انه مهم جدا بالنسبه لهم ...
تعالوا نشوف بعضا من انواع الخدام اللى موجودين ونعرف هما ليه بيخدموا !!!!
1- الخادم اللى شايف نفسه :
وده نوع من الخدام متواجد وبكثره للاسف فى الكنيسه .. وده بيبقى عايز يخدم علشان يحس بقيمه نفسه وسط اصحابه وكمان بيبقى نفسه فى شويه اهتمام من الناس وبرستيج قدام البنات انه خادم وكده .. وده ساعه الجد والشغل مش بتلاقيه ... يفضل يأجل يأجل فى العمل المطلوب منه وفى الاخر ما يعملوش بذمه ويسقط فى نظر المخدوم ...
2- الخادم اللى عايز يخدم ربنا بجد :
وللاسف الناس ده بدأ فى الانقراض بسبب عدم تشجيع الناس اللى حواليه ... وعاده بيبقى شخص او شخصين جوه الخدمه بيبقوا عاملين زى " شعله نشاط " كده بين اصحابهم ... هما اللى بيسعوا انهم يعملوا كل حاجه بسرعه وباتقان ... هما اللى بيشجعوا زمايلهم على الخدمه والشغل الكتير علشان يقدموا احلى حاجه للمخدوم اللى قدامهم ... هدفهم الوحيد هو انهم بيعتبروا الخدمه عمل بيقوموا بيه ولازم يتمموه على اكمل وجه وان رئيس العمل بتاعهم هو ربنا نفسه ... والمنظره والظهور قدام الناس مش بيفرق معاهم ...
3- الخادم الكسول :
وده نوع موجود بكثره برضه فى كل خدمه ... وده بيبقى شخص مش واخد الخدمه منظره بس برضه بيكسل يقوم بالاعمال اللى مطلوبه منه ... وعاده بيبقى مش عارف هو دخل الخدمه ليه .. لانه لو عرف كان هيبقى زى النوع التانى .... وده ممكن نتكلم معاه ونعالج تفكيره لانه مش بيبقى من النوع العنيد
4- الخادم العنيد :
وده بيبقى عاده القائد بتاع الخدمه ... وبيبقى حاطط حاجه فى دماغه وفاكر ان هى بس اللى صح ومش بيقبل النقاش ولا النقد ... وبيمشى برضه اللى فى دماغه بالعافيه ... وعاده بيكون مكروه من الناس اللى حواليه لانه بيتصرف من دماغه .. والنوع ده للاسف صعب تغير دماغه بسهوله ...
5- الخادم الظريف :
وده بيبقى محبوب من المخدومين مع انهم مش بياخدوا منه كلمه ربنا ... لكن علشان الناس بتحب الهذار وخلاص فبيبقى قريب منهم وبيعتبره الاصلح بين جميع الانواع
6- الخادم المتكامل :
وده من وجهه نظرى لازم يكون وديع وهادى .... ياخد رأى باقى الخدام ... يكون شخصيه ظريفه ويصاحب المخدومين ... يبعد عن المنظره الكدابه وحب القياده والسلطه ... يبقى شعله نشاط بين باقى اصحابه ويشجعهم على الخدمه علطول ... يعرف انه بيخدم ربنا وان تعبه مش هروح وياخد اجره فى السما ...

يا ريت كل واحد فينا قدام نفسه يعرف هو انهى نوع من اللى فوق ونحاول ننمى خدمتنا ونعرف اولا واخيرا اننا بنخدم ربنا مش بنخدم اشخاص ..... وربنا مش بينسى تعب حد فى خدمته وبيعوضه فى وقته وصحته وتفوقه فى الكليه وحب الناس فيه وكل حاجه حلوه ................ ربنا يباركنا كلنا